Rɛndinani zwɛ

>> Ampanga >> Ampang’alungu >> Oyino >> Ivanga

Ayinisi w'Ivanga, Manji, 1990, Egɔlani P. Ayaminè

Ivanga oyino wiko dyino ni mpaga n’oma. W’avili ger’Orungu awomua bandaka ni nchuwa ngu g’olomba go Guinée équatoriale kwanga go saoti ni nkowa yi Mayumba.

Ivanga oyin’ombya wi teviza.

Oyino w’anto. Are k’anom’awani : Akaga m’osaka ayɛ n’eponavona, are dyina n’amori, ewilo zɛ ni go nuginya anto we dyina, go kɔwiz’idyembo n’oyino, etc. Onome wi mbani e koko nɛ ebola, ayɛ ebole ngoma. Oga wi pangina (Akaga) omwanto.

Ezigo. E bya ni boso Akaga, Manji, 1990,   Egɔlani P. Ayaminè. Go pendiza.

Anto wi dyina wodu wi bore nkɛmbɔ mo. Ntawuli J. Ambourouè Avaro, nkɛmbɔ mo yi minya nɛ anaga dudu were n’inyangu’imo g’egombe z’oyino. Akaga dadiɛ nare go bora nkɛmbɔ yere pekua n’amori.

Anto we dyina were bora pa wodu pu, onamba diryo pa gi nyawali, n’otumba w’agelenge g’ona. Ogumbu were pu ni gelo relangano ni ntono, oganjo n’ibowa si nyange tumo pa g’evɛlɛsɛ za pupu go dyirinye nkɛmbɔ.
Ogɔndɔ w’anto ambani nchɔ araro w’agom’ambani m’anaga wi dyemba no go dyina ina nkɛlinyaga. Awan’awani wi dubwa g’egondɔ go be sakimia g’igala.

Akaga, Manji, 1990, Egɔlani P. Ayaminè

Akaga mi bya go dyina kawo agouɛra mi nkola ambani pyagana pa. Are bora pa pu n’otumba w’arelenge, oganjo bemene g’ogɔ, egombe zere yɛ re dyina are baru.

Woganyoni :
- Ivanga : oyembo mori : ijembo, ngɔma (enregistrema juin 2003 go Ndogo) 1'52, 230 Ko
- Ivanga : oyembo mori : ijembo, ngɔma (enregistrema juin 2003 go Ndogo) 3'33, 438 Ko