Rɛndinani zwɛ

Nkala yi Manji yere sɛropa gh'iland'inai.

Wandaminani : wino ranga siti yi mɛri ! Na rɛndinani zwɛ gho bamby'evhilo, nchɔ gho bamby'ipepa s'iyano. Akewani.

Oma wi pangin'osɛngɛ yi Manji ni Bernard Aperano (PDG) avila août 2011.

Mɛri yi Manji-Orungu
BP 568

Nunguno pa : 7h30 kwanga 15h30.

Egɔlani zi nkombo :

Egɔlani zi nkombo y'Atanga yi Manji ni bilo n'irɛndo yaghelo. Irɛndo yaghelo wi minya nɛ ikɔgha y'okume yi dyanginya gho mbene. Nkombo yi latin "Olim Arena Urbs Hodie" yi minya nɛ : dyawo izɛngɛ nɛnɔ osɛngɛ.

Ndo egɔlani zi nkombo zino za zele zazo, kɔndɛnɛ zere tɛviz'elɔmbɛ zazo, inchale yazo. Egɔlani zi nkombo zino, ze bulya nɛ Manji yere mbora ye janjin'ikoni dadyɛ. Ntina meyɔnɔ, egɔlani zi nkombo y'Atanga yi Manji a zel'egɔlani zazo.

Azwa dembi gho dend'egɔlani zazo. G'egɔlani zi nkombo zere gho nche, anwɛ ko dɛng'aghamba m'elɔmbɛ zazo, inchale ya rigo n'anɛrɔ yazo n'okita yazo.

	Egɔlani zi nkombo
Egɔlani zi nkombo za ntuntu :			Ngondo ni nchilingo wi pare nguwa ya bile (bile, ger'Itangani yalonga yi minya nɛ imɛpa ni fidélité). Nguwa yere sɛra pa n'erene mbani n'aningo ma pupu (yi minya nchuwa n' Ogowɛ). Gho nche y'aningo, manji mori ya pupu yere nkɔwa nomyɛ, n'odjo yaghelo nyantwɛ : yɔma yinɔ mbani yi minya nɛ aghamba m'aghanga n'okita kɛ. Gigono y'aningo mapupu, anwɛ ko dyene nkɔwa nomyɛ Ankombyɛ, na nyantwɛ, owaro wa kuku wa pupu (Orungu walonga waluw'anagha wi mben'avholo : wa nɛnji gho kwena gho mbene gere Kombe nchɔ Ajumba). Orungu Ankombye ni nkombo nyɛnɛ y'Orungu : Orungu awana w'Ankombyɛ (nkombe). Gh'oghɛndo wao kɛ, wa wuti kɛnda kwanga mbora nkombe ye sumina. NB. Ghere zwɛ, pupu ni nchale y'aghanga n'idyuwa. Ger'Itangani, yere nchale yi nkɛrɛ n'okeli.
Egɔlani zi nkombo z'ompozo :