>> Ampanga >> Inkogho
Ntina nde nkɔnjɔ edwan’ololowa
Nkɔnjɔ edwan’ololowa kondɛnɛ ayɛ ni nkombe weresi nkoma.
Nkoma yi pila nɛ sani
? Were ndego mpolo mbani, ny’omori no ny’omori.
Nyɔngɔ yinɔ,
nkɔnjɔ edjuno ni nguiɛ ni
ghebya nkombe gh’opogine nkɔnjɔ.
Gambɛ ghebya gh'ipogina si byo yɛ gho
pogine nkɔnjɔ, nkɔnjɔ are ko fizaviza ga.
Akɛnda gh’oba winɔ,
akɛnda gunɔ, akɛnda gunɔ, ateni gh'iba nyinɔ, nyinɔ nya poswi, akɛndi gh’imori.
Nkombe ayɛ nɛ, " A
nwɛrɛ,
myɛ ncho m’akɛndi m'ere finya ni nyuma ".
Nkɔnjɔ are kawo gh’efizaviza yɛ,
kwanga gh’agɛndi nkombe.
Gh’ejena yɛ gɛni-gɛni
gh’aningo, ayɛ nɛ : " A nwɛrɛ, inyɔ ni nyami, riga, yaga ! ".
Nkombe ayɛ nɛ : " M’abulinya
wɛ nɛ, myɛ m'ere finya ni nyuma ".
Niga wɔngi nkɔnjɔ ayɛ bɔngi
nkombe nkoma.
Ni ntina meyɔnɔ y’edwana
k'ozo gho nche.
Woganyoni nkogho (Okambi : Pierre Ayaminè, Manji, 26 juillet 2006)
|